CCNO në Malmo, Suedi

Në Malmö të Suedisë, CCNO, në kuadër të projektit “AgriExchange Kosovo-Sweden,” realizoi një vizitë në fabrikën Lantmännen, ishte një përvojë e jashtëzakonshme që na ofroi mundësinë për të parë nga afër teknologjinë më të avancuar dhe praktikat inovative në sektorin e bujqësisë.

Një nga aspektet më mbresëlënëse ishte procesi ekologjik ThermoSeed, i cili minimizon përdorimin e pesticideve duke u fokusuar në produkte të qëndrueshme dhe miqësore me mjedisin. Ky proces përfaqëson një model të shkëlqyer të teknologjisë së aplikuar për të reduktuar ndikimin mjedisor dhe për të rritur efikasitetin në bujqësi.

Për më tepër, vizita theksoi rëndësinë e bashkëpunimit të ngushtë të Lantmännen me fermerët vendas suedezë, duke i mbështetur ata në adoptimin e praktikave të qëndrueshme bujqësore, si dhe në përmirësimin e cilësisë së prodhimeve të tyre. Kjo qasje nënvizon rolin e rëndësishëm të teknologjisë dhe qëndrueshmërisë në zhvillimin modern të bujqësisë, duke u bërë një shembull frymëzimi për sektorin bujqësor në Kosovë.

Falenderojmë fabrikën Lantmännen për mundësinë për të ndarë praktikat dhe përvojat e tyre inovative. Përvojat e fituara do të përcillen me kujdes tek fermerët dhe institucionet bujqësore në Kosovë për të ndihmuar në zhvillimin e më tejshëm të sektorit të bujqësisë.

Projekti u financua nga Ministria e Bujqësisë, Pylltarisë dhe Zhvillimit Rural